MНР СО АПЕЛ: Не патувајте на Блискиот Исток, се подготвуваат сценарија за евакуација на македонските граѓани

Министерството за надворешни работи и надворешна трговија (МНРНТ) излезе со итно предупредување до македонските државјани строго да се воздржат од непотребни патувања во поширокиот регион на Блискиот Исток. Реакцијата доаѓа по најновите случувања и обидите за проширување на конфликтот, кои сериозно ја загрозуваат регионалната и меѓународната стабилност.

Проширување на метата на напади Од Министерството посочуваат дека со внимание и загриженост ја следат состојбата, особено поради очигледните обиди на Иран да го прошири својот дострел на дејствување. Според нивните информации, покрај Израел, мета на таргетирање се и повеќе арапски држави и странски бази во регионот:

Обединетите Арапски Емирати (ОАЕ)
Катар
Кувајт
Бахреин
Саудиска Арабија
Либан
Ирак
Британската воена база лоцирана на територијата на Република Кипар.
Остра осуда за нарушувањето на суверенитетот
Министерството недвосмислено ги осуди сите напади врз пријателските земји и партнери.

„Повредата на суверенитетот и таргетирањето цивилни цели се неприфатливи и се во директна спротивност со основните принципи на меѓународното право. Мирот, безбедноста и стабилноста на Блискиот Исток не се апстрактни категории, туку суштински предуслови за глобалната стабилност“, се наведува во официјалното соопштение.

Подготовки за евакуација на македонските граѓани
Врвен приоритет на Владата во овој момент останува безбедноста и поддршката на македонските државјани кои по различни основи престојуваат во кризниот регион.

Надлежните дипломатско-конзуларни претставништва (ДКП) се во континуирана комуникација со нашите граѓани на терен.
Во координација со ДКП, Министерството активно разгледува повеќе можни сценарија за репатријација и евакуација.
Овие планови ќе бидат активирани веднаш штом тоа ќе го дозволат безбедносните услови на теренот и/или откако ќе се воспостави повторно нормален воздушен сообраќај.

Share on Facebook

Tweet

Follow us

Save