You Tube ги отстранува каналите поврзани со војната во Украина

„YouTube“ отстрани повеќе од 70.000 видеа и 9.000 канали кои емитуваат содржини поврзани со војната во Украина. Причината беше прекршувањето на упатствата за содржина, а беа отстранети и содржините кои инвазијата ја нарекоа ослободителна операција.

„YouTube“ продолжува да ужива голема популарност во Русија и, за разлика од некои други американски компании, не е затворен, иако содржината на опозициските лидери како Алексеј Навални може да се најде и на YouTube.

Од почетокот на војната во Украина, „YouTube“ ги отстрани каналите на некои истакнати руски личности, како што е прорежимскиот новинар Владимир Соловјов. Каналите поврзани со руското Министерство за одбрана и надворешни работи исто така беа привремено суспендирани поради опишување на војната како ослободителна мисија.

Минатата недела, рускиот министер за дигитален развој Максут Шадаев рече дека државата нема да го блокира „YouTube“, и покрај споровите за содржината што доведе до тоа судовите да ја казнат платформата за неотстранување на спорната содржина.

„YouTube“исто така ги забрани каналите поврзани со руските државни медиуми ширум светот, вклучувајќи ги „Раша Тудеј“ и „Спутник“. „Фејсбук“ и „Инстаграм“ се забранети во Русија, а пристапот до Твитер е ограничен.

Share on Facebook

Tweet

Follow us

Save