Апасиев и Мециновиќ на средба со кубанската амбасадорка

Денес, претседателот на Левица и пратеник проф. д-р Димитар Апасиев, заедно со пратеникот Амар Мециновиќ, остварија втора официјална средба со кубанската амбасадорка, Н.Е. Марија Гарсија Хордан, во целосно пријателска атмосфера, во т.н. „Струшка соба“ во Собранието на Република Македонија.

Средбата повторно помина во конструктивна атмосфера, затоа што принципите на кои се случува меѓународната комуникација се засноваат на нашата соработка со Комунистичката партија на Куба како сродна партија, но и на пријателската традиција на односи помеѓу нашите народи, и традицијата за билатерална и мултилатерерална соработка помеѓу нашите држави.

На состанокот, Левица повторно ги изрази своите ставови за позицијата на Република Македонија во однос на гласањето во Генералното собрание на ОН по точката за ставање крај на економската блокадата над Куба. Притоа, го осудивме и повторното ставањето на Куба на листата на земји кои поддржуваат тероризам, сметајќи дека тој став не ја одразува реалноста во меѓународните односи.

Разговорот заврши со дискусија за поинтензивна соработка и комуникација, како на партиско, така и на државно ниво за унапредување на соработката помеѓу Република Македонија и Република Куба.

Share on Facebook

Tweet

Follow us

Save