(Видео) Пожар од катастрофални размери во Хрватска – огнената стихија ги проголта градовите, повредени се борат за живот

„Пробавме да не дојде до ваква катастрофа, но тоа беше борба со природата“ – велат пожарникарите. Апокаклиптични сцени се шират на социјалните мрежи од страшниот пожар во Хрватска кај крајбрежниот град Омиш – огнената стихија од планините беснеела цела ноќ кон градовите, пожарникарите спасувале куќа по куќа, а има и голем број изгорени и повредени кои се борат за живот.

Во четвртокот вечер, околу 20 часот, во Хрватска, кај градот Локва Рогозница, во близина на Омиш, избувна силен шумски пожар.

Заради силниот ветер, огнената стихија во текот на ноќта со огромна брзина се ширела кон околните градови, а во раните утрински часови стигнала и речиси до срцето на градот Омиш.

„Зад нас е исклучително тешка вечер, имаме комплицирана ситуација на подрачје од Локва Рогозница до Омиш.

Пожарникарите активно работат на сопирање на пожарот“ – изјавиле од противпожарна бригада, а по информациите од раните утрински часови, биле ангажирани 286 пожарникари со 93 возила и се очекуваат уште напомош.

#Repost @imockicrnjaci

Omiš pic.twitter.com/1RdFCue1Cy

— Željko Kisa (@ZeljkoKisa) August 14, 2026

Илјадници луѓе од зафатените региони беа евакуирани и примени во отворени прифатилишта, а дел од нив се упатувале и кон Сплит.

На многумина кои се здобиле со повреди и изгореници им била пружена медицинска помош.

Omiš jutros💔 pic.twitter.com/NDQgAZSnrz

— ivo (@iPerkov) August 14, 2026

Околу 14 пациенти се хоспитализирани, од кои 7 се во животна опасност на интензивна нега, но ситуацијата постојано се менува.

Кај повеќето се работи за изгореници, а другите барале лекарска помош заради респираторни тегоби од вдишување чад.

Патот од Омиш во насока кон Макарска е затворен, возилата се пренасочуваат, а според информациите од утринава, ситуацијата на терен уште не е блиску до локализација на пожарот, кој сега стигнал од Омиш до Мимица.

#Repost @dalmatinski_portal

Horor u Stanićima: Apokaliptične slike
Požar je načinio golemu štetu pic.twitter.com/GXPucNkTKg

— Željko Kisa (@ZeljkoKisa) August 14, 2026

Од температурите кои ги развил оганот, пукал камен, паѓале електрични столбови, улиците биле затрпани со одрони…

Jutarnji.hr утрово околу 9 часот разговараше со раководителот на противпожарната бригада во Омиш, кој изјавил:

„Нема што да се каже, се гледа. Пожарот беше од катастрофални размери. Кога доаѓавме на интервенција, веќе видовме дека е во разгорена фаза.

Заради силните ветрови и конфигурацијата на теренот, оганот се ширеше со голема брзина, а куќите беа загрозени од самиот почеток.

Пожарникарите пробуваа да одбранат куќа по куќа, но оганот преку планината се ближеше до градот. Пожарот дојде до Омиш и изгореа околу 1000 хектари.

Пробавме да не дојде до ваква катастрофа, но тоа беше борба со природата“.

Share on Facebook

Tweet

Follow us

Save