INFOMAX.MK

Ја продолжуваме до крајот на кризната состојба мерката за намалување на ДДВ за горива од 18 на 10%, истовремено донесовме одлука со којашто преку оваа кризна состојба на РКЕ ѝ се овозможува да ги намали акцизите за дизелот за 4 денари, а за бензинот за 2 денари по литар, соопшти денеска по вонредната седница на Владата, премиерот Христијан Мицкоски.

Мицкоски соопшти дека без овие мерки горивата би достигнале над 100 денари.

ОКТА ќе го продолжи својот месец до крајот на месец април, соопшти премиерот и додаде дека цената за дизелот ќе биде иста како и до сега, а за бензинот има дополнително намалување од 2 денари по литар.

– Потрошувачката достигнува два милиони литри на ден, на одредени бензински пумпи потрошувачката е тројно зголемена поради притисокот од граѓаните на соседните држави кои доаѓаат да полнат гориво поради пониските цени, вели премиерот.

Според Мицкоски нема потреба од мерки, бидејќи во разговор со пазарот било утврдено дека има доволно горива и домашните потрошувачи нема да бидат загрозени.