INFOMAX.MK

Конститутивната седница на Собранието на Косово денес повторно беше прекината откако лидерот на движењето Самоопределување, Албин Курти, повторно побара дополнително време за разговори со лидерите на другите партии за изборот на нов собраниски спикер.

Ова предизвика незадоволство кај пратениците, а додека Курти одеше од говорницата до своето место, пратеничката на Алијансата, Тиме Кадриај фрлаше јајца кон него, по што пратениците на Самоопределување станаа за да го заштитат.

Deputetja e AAK-së hedh vezë në drejtim të Kurtit gjatë seancës së Kuvendit

🇽🇰 Deputetja e Aleancës për Ardhmërinë e Kosovës, Time Kadrijaj, hodhi vezë në drejtim të kryeministrit në detyrë, Albin Kurti, para mbylljes së seancës, pas çka ndërhyri edhe sigurimi i Kuvendit.

🏛️… pic.twitter.com/5ElfsG0YNK
— Anadolu Shqip (@aa_albanian) August 8, 2026

На почетокот на конститутивната седница, кога се очекуваше да предложи кандидат за претседател на собранието, Курти, како и во четвртокот, побара дополнително време.

„Сè уште немаме политички договор, па за да избегнеме нови избори, барам дополнително време“, рече тој.

Конститутивната седница на косовското Собрание беше прекината и во четвртокот бидејќи Курти побара дополнително време за разговори со опозицијата за избор на нов спикер.

Рокот за конституирање на собранието истече на полноќ, бидејќи според одлуката на Уставниот суд, конституирањето на Собранието мора да се заврши во рок од 30 дена од потврдувањето на резултатите од изборите.

Самоопределување и Демократскиот сојуз на Косово не постигнаа договор за формирање на институциите во изминатите неколку дена.