Вучиќ за енергетските проблеми: Договор за една недела, во спротивно Србија сама ќе ги заштити граѓаните

Наредните седум дена ќе бидат клучни за националниот енергетски сектор, по што ќе се одржат дискусии со “руски, американски и европски партнери” со цел изнаоѓање решение за набавка на гас и нафта.

Во случај да не се постигне договор, државата самостојно ќе преземе чекори во текот на следната седмица. Оваа информација ја сподели претседателот на Србија, Александар Вучиќ, преку својот Инстаграм профил синоќа.

“Следната недела е исклучително важна и во таа недела ќе разговараме со руските, американските и европските партнери за да најдеме решение. Ако немаме решение за проблемите следната недела, ние самите ќе донесеме одлуки таа недела и ќе го заштитиме населението. Верувам дека ќе обезбедиме доволни количини (за сите енергенси)”.

Тој истакна дека Србија “ќе биде апсолутно безбедна за се до 10 или 15 ноември”, додавајќи дека новонаметнатите санкции кон Росњефт и Лукоил, првично воведени од САД кон неевропските филијали на овие компании, “ќе стапат во сила на 21 ноември”.

Освен санкциите воведени кон споменатите компании и кон Националната индустрија на Србија, Вучиќ спомена дека дополнителен предизвик за домашното снабдување претставува и инцидентот во рафинеријата за нафта МОЛ во Унгарија, за кој рече дека истрагата ќе утврди дали се работи за саботажа.

Share on Facebook

Tweet

Follow us

Save