Двајца млади мажи пронајдени мртви во викендичка во гостиварско

Гостиварската полиција објави дека се најдени две починати лица во викендичка во село Горна Ѓоновица, Гостиварско. Двајцата биле од Скопје, а при увидот не биле забележани траги на насилство.

„На 08.01.2026 во 23:45 часот во ОВР Гостивар е пријавено дека во викенд-куќа во с. Горна Ѓоновица, Гостиварско, се пронајдени починати Т. Ј. (30) и И. Н. (30), двајцата од Скопје. Лекар констатирал смрт без траги на насилство, а по наредба на јавен обвинител телата на починатите се дадени на обдукција. Извршен е увид од јавен обвинител и увид на екипа од СВР Тетово“, соопшти полицијата.

Полицијата не даде детали за причината за смртта, но најверојатно е задушување со јаглерод моноксид.

Share on Facebook

Tweet

Follow us

Save