Додик соопшти дека пристигнал во Москва

Претседателот на Република Српска Милорад Додик вечерва соопшти дека пристигнал во Москва.

Додик изјави дека секој негов престој во Москва започнува со посета на споменикот на Непознатиот херој за да им оддаде почит на 28-те милиони Руси кои загинаа во Втората светска војна.

На платформата Х тој истакна дека на 9 мај повторно ќе биде во Москва на покана на претседателот на Руската Федерација, Владимир Путин, за да ја одбележи 80-годишнината од победата над фашизмот, во која најмногу настрада рускиот и српскиот народ.

Додик истакна дека некои се обидуваат да ја ревидираат историјата, што е невозможно да се направи, но оние што го сакаат тоа отворено се обидуваат да ги искриват историските факти. Невозможно е да се променат историските факти за страдањата на рускиот, српскиот и еврејскиот народ во Втората светска војна, рече Додик и додаде дека овие факти зборуваат сами за себе, пренесува Танјуг.

„Русија ја има нашата поддршка, таа е земја која несомнено во многу предизвици во изминатите векови покажа дека е способна да ја брани својата независност и затоа претседателот (Владимир) Путин е историски лидер на рускиот народ“, рече Додик во објавата на платформата X.

Share on Facebook

Tweet

Follow us

Save