Европската комисија подготвува правила за означување содржини создадени со вештачка интелигенција

Корисниците што користат генеративни системи на вештачка интелигенција за професионални цели ќе мора јасно да ги означуваат лажните објави и публикации создадени со ВИ, доколку се однесуваат на прашања од јавен интерес. За полесно спроведување на овие обврски, Европската комисија го поддржува изготвувањето на доброволен кодекс на практики од независни експерти, пред правилата официјално да стапат во сила.

Нацрт-кодексот е поделен на два дела: првиот се однесува на означување и откривање содржина генерирана со вештачка интелигенција и е наменет за давателите на вакви системи, додека вториот се однесува на означување лажни објави и одредени текстови создадени или манипулирани со ВИ за прашања од јавен интерес и важи за корисниците на овие алатки. Европската комисија ќе прибира коментари за првиот нацрт до 23 јануари, а вториот нацрт се очекува до средината на март 2026 година. Финалната верзија на кодексот треба да биде подготвена до јуни, а правилата за транспарентност ќе почнат да се применуваат од 2 август 2026 година.

Share on Facebook

Tweet

Follow us

Save