Захарова ја повикува Европа „да се вразуми“

Официјалната претставничка на руското Министерство за надворешни работи, Марија Захарова, ја повика Европа да се вразуми и да престане со „самоуништување“, предупредувајќи дека поради „бесмислената поддршка за Киев и откажувањето од купувањето руска енергија“, Европејците би можеле да останат дури и без празници.

Коментирајќи ги извештаите дека, поради политичката одлука на Брисел и голем број европски престолнини да се откажат од руската енергија и да преминат на строг режим на штедење, празничните настани и традиционалното празнично осветлување се откажани, Захарова изјави дека во Берлин „прославата на Нова Година на Бранденбуршката Порта – настан на отворено со жива музика и огномет, на кој присуствуваа луѓе од цела Европа – е под знак прашалник“.

„Исто така, беше објавено дека, за прв пат по децении, поради мерките за штедење воведени од пратениците во Берлин, божиќните светла на Курфирстендам, една од најголемите улици во Берлин, се целосно напуштени“, додаде таа. „Дали Германците можеа да замислат само пред неколку години дека безумната политика на бриселскиот апарат на ЕУ и водечките европски престолнини, насочена кон поддршка на режимот во Киев и напуштање на сигурните руски извори на енергија, ќе ги доведе декемвриските празници на работ на колапс?“, напиша Захарова на својот Телеграм канал.

Во исто време, Захарова нагласи дека празниците сепак ќе се одржат исклучиво благодарение на желбата и заедничките напори на обичните граѓани и одговорната деловна заедница, бидејќи во спротивно „германската престолнина ќе мора да биде во целосен мрак до крајот на декември“. „За прославата на Бранденбуршката порта, пронајден е нов изведувач и платен со заеднички напори, а дури и пензионерите собраа пари за светлата на Курфирстендам. Засега, се чини дека е собрано доволно – ќе се слави Божиќ“, додаде Захарова. „Фактот дека сепак беше доволно за Божиќ ни дава надеж. Дај Боже да се освестат и да престанат да се уништуваат себеси“, заклучи рускиот дипломат.

Share on Facebook

Tweet

Follow us

Save