Земјите треба да ги отфрлат напорите на Иран да го контролира Ормуз, вели Меѓународната агенција за навигација на ОН

Земјите треба да ги отфрлат напорите на Иран да наметне суверенитет над Ормуската Теснина и „едностраните одлуки“ од страна на иранско тело за контрола на важната сообраќајна рута, соопшти денеска управното тело на Меѓународната агенција за навигација на ОН.

Меѓународната поморска организација (ММО) на ОН, со седиште во Лондон, е одговорна за безбедноста на меѓународниот поморски транспорт и спречувањето на загадувањето и е составена од 176 земји-членки.

Заштитата на клучните водни патишта беше тема на состанокот оваа недела на управниот совет на ММО, кој брои 40 члена.

Советот „остро ја осуди“ одлуката на Иран да „формира тело за контрола на сообраќајот низ теснината“, се наведува во необврзувачките заклучоци од состанокот.

Тие ги повикуваат членовите да не го признаваат „суверенитетот на Иран над Ормуската Теснина, неговата јурисдикција над поморските зони на други земји во и околу мореузот и одлуките на Иран насочени кон спречување и попречување на меѓународната пловидба и правото на минување низ теснината“.

Неодамна формираната иранска транзитна управа за Персискиот Залив советуваше дека на ниту еден брод не треба да му биде дозволено да поминува низ Ормуз „без валидна дозвола“ од ова тело.

Иран, кој нема претставник во советот, им рече на учесниците на состанокот на ММО дека ги отфрла „селективните, политички мотивирани и правно неосновани обвинувања“ против него.

Иран не е потписник на меѓународната поморска конвенција UNCLOS и не е обврзан со режимот за навигација утврден со тој документ, рекоа иранските претставници.

Share on Facebook

Tweet

Follow us

Save