Иран: Нема преговори за примирје, Трамп се повлече

Иран ги негира тврдењата на американскиот претседател Доналд Трамп дека имало преговори за примирје со Техеран, додека затворањето на Ормускиот Теснец продолжува да создава глобална енергетска криза, објавуваaт туските медиуми.

Иранските власти ги отфрлија тврдењата на Доналд Трамп дека се во тек преговори за примирје со САД, инсистирајќи дека не се воделе никакви директни или индиректни разговори.

-Нема никаков директен ниту индиректен контакт со Трамп. Тој се повлече откако слушна дека наши цели ќе бидат сите електрани во Западна Азија – изјави ирански извор за новинската агенција Фарс.

„Откако Исламската Република предупреди дека во случај на американски напад врз иранската енергетска инфраструктура, ќе бидат таргетирани енергетските објекти во целиот регион, Трамп се повлече и изјави дека издал наредба за одложување на нападот“, се наведува во објавата на иранската амбасада во Кабул на социјалната мрежа X.

Иранската реакција е поврзана директно со објавата на Трамп на „Трут Соушл“ (Truth Social) претходно денеска, во која тој рече дека САД и Иран воделе „многу добри и продуктивни разговори“ во текот на изминатите два дена и дека му наложил на Министерството за војна да ги одложи сите воени напади врз иранските електрани и енергетска инфраструктура за пет дена.

Share on Facebook

Tweet

Follow us

Save