Камала Харис нема да се кандидира за гувернерка на Калифорнија
Поранешната потпретседателка на САД, Камала Харис, денеска соопшти дека нема да се кандидира за гувернерка на Калифорнија на претстојните избори. Во изјава преку својот кабинет, Харис истакна дека сериозно размислувала за оваа можност, но решила да не се кандидира, пренесува Форбс.
„Ја сакам оваа земја, луѓе. Тоа е мојот дом. Но, по длабоко размислување, решив да не бидам кандидат за гувернер на овие избори“, рече Харис.
Таа не ја исклучи можноста за кандидатура во 2028 година и најави дека ќе ги поддржува демократските кандидати низ целата земја.
„Се радувам што ќе им помогнам на избраните демократи да се борат без страв. Во наредните месеци ќе објавам повеќе детали за моите планови“, додаде таа.
Сегашниот гувернер на Калифорнија, Гевин Њусом, не може да се кандидира за нов мандат бидејќи ја извршува функцијата од 2019 година. Главни кандидати од Демократската партија за гувернер на Калифорнија се Ксавиер Бесера и Кејти Портер.
ПОВРЗАНИ ВЕСТИ
Камала Харис нема да се кандидира за…
Поранешната потпретседателка на САД, Камала Харис, денеска…
Пожар избувна во една од најголемите фабрики…
Во северна Калифорнија во последните два дена…
Земјотрес ја стресе Калифорнија
Земјотрес со јачина од 4,1 степени според…
Во експлозија во судница во Калифорнија две…
Едно лице е приведено по експлозијата што…
Шестмина загинати во хеликоптерска несреќа во пустината…
Хеликоптерот паднал во близина на градот Бејкер,…