Каја Калас: Смртта на Хамнеи е одлучувачки момент во иранската историја

Смртта на врховниот лидер на Иран, ајатолахот Хамнеи, означува клучен момент во историјата на Иран, изјави шефицата за европска надворешна политика, Каја Калас.

„Она што претстои е неизвесно. Но, патот кон поинаков Иран, оној во кој неговиот народ може да обликува поголема слобода, сега е отворен“, напиша Калас на својот X профил. Таа рече дека е во контакт со блискоисточните партнери, вклучувајќи ги и оние „кои го носат товарот на воените дејствија на Иран“, за да преземат „практични чекори за деескалација“.

Хамнеи беше убиен во израелски воздушен напад во Техеран во саботата. Израелската војска го опиша нападот како прецизна операција од големи размери.

„Хамнеи беше мозокот зад планот за уништување на Државата Израел и беше познат како „главата на иранскиот октопод“, ширејќи ги своите пипала низ Блискиот Исток, сè до границите на Државата Израел. Главен меѓу нив беше терористичката организација Хезболах. Врховниот лидер на иранскиот режим беше одговорен за терористичките напади против Државата Израел, а крвта на многу цивили низ целиот свет беше на неговите раце“, се вели во соопштението на армијата.

Share on Facebook

Tweet

Follow us

Save