Македонец ќе се обиде да го урне Гинисовиот рекорд во склекови со +10 килограми

Скопјанецот Кристијан Бајовски следната недела ќе се обиде да го собори Гинисовиот светски рекорд во стриктни склекови со дополнителни 10 килограми во времетраење од еден час.

Како што истакнува Бајовски, подготовките се завршени, а целиот процес зад него бил исполнет со бројни тренинзи, повторувања и напорни денови, кои го довеле до финалната фаза пред обидот за рекорд.

„Сега останува само едно – да се излезе и да се даде максимумот“, стои во неговата порака пред предизвикот.

Настанот ќе се одржи во недела во 16 часот, кога ќе биде направен обид за нов светски рекорд.

Share on Facebook

Tweet

Follow us

Save