Македонка уапсена во Црна Гора поради измама од 10.000 евра

Црногорски службеници од Регионалниот безбедносен центар „Север“, спроведувајќи засилени активности во областа на борбата против економскиот криминал, во соработка и по наредба на обвинителот во Основното државно обвинителство во Плав, ја лишеле од слобода државјанката на Република Македонија Е.И. поради сомнение дека сторила кривично дело измама против физичко лице од тој град.

-Имено, се сомнева дека Е.И. го сторила кривичното дело за кое се товари на таков начин што од ноември 2023 година, со намера да стекне противправна имотна корист, лажно ги прикажувала фактите и го довела оштетениот во заблуда, наведувајќи го да ѝ предаде пари во износ од 10.000 евра, информира црногорското МВР.

Оштетениот во неколку наврати ѝ испраќал пари преку банка, а одреден дел од парите ѝ ги предал и директно во негово непосредно присуство, на име на наводно плаќање даноци во процесот на купување стан.

Според наредбата на вршителот на должноста обвинител, Е.И. била лишена од слобода и, со кривична пријава, изведена пред истата во законскиот рок за понатамошна надлежност.

-Борбата против економскиот криминал ќе продолжи да биде во фокусот на службениците на Регионалниот безбедносен центар „Север“, велат од Црногорската полиција.

Share on Facebook

Tweet

Follow us

Save