Нафташите алармираат: Европа ќе ја „изеде“ недостиг на нафта во април

Глобалниот пазар на нафта и деривати се соочува со едно од најсериозните нарушувања во последните неколку децении, а првите последици се веќе видливи во синџирите на снабдување. Како што предупредуваат раководителите на најголемите енергетски компании, недостигот на гориво почнува да го погодува пазарот, додека кризата од Блискиот Исток се прелева во Европа.

Прво е погодено горивото за авијација, додека во наредниот период се очекува недостиг на дизел, а потоа и бензин. Според него, проблемот во моментов е најизразен во Азија, но ќе се чувствува сè повеќе во Европа веќе од април.

– На нашите клиенти им се потребни специфични количини на енергија, а не само информации за цените. Клучот е во физичкиот тек на изворите на енергија – рече Саван.

Затворањето на Хормускиот Проток практично доведе до блокада на извозот на нафта од регионот на Блискиот Исток, предупредува Кувајт.

Директорот на државната нафтена компанија Кувајт Петролеум, шеикот Наваф ал-Сабах, оцени дека оваа ситуација не влијае само на земјите од Персискиот Залив.

– Ова ја држи целата светска економија како заложник. Последиците од овој конфликт нема да останат ограничени на регионот, туку ќе се прелеат низ целиот синџир на снабдување – рече тој.

Аналитичарите предупредуваат дека ова е најтешкиот нафтен шок од ембаргото за нафта од 1973 година.

Зголемувањето на цената е веќе драматично. Од крајот на февруари, цената на американската сурова нафта порасна за речиси 50 проценти и достигна над 100 долари за барел.

Референтната цена на Брент, која влијае на цените на горивата во Европа, се зголеми за повеќе од 55 отсто и надмина 112 долари за барел. Од компанијата „Шеврон“ предупредуваат дека фактичката понуда на нафта е значително помала од она што го покажуваат фјучерс пазарите, што значи дека цените би можеле дополнително да растат.

Извршниот директор на „Тотал Енерџис“, Патрик Пујане, предупреди дека цените на готовите производи растат дури и побрзо од суровата нафта. Цената на авионското гориво достигна 200 долари за барел, додека дизелот скокна на околу 160 долари.

Некои земји веќе воведуваат ограничувања – Кина го забрани извозот на нафтени производи, додека Тајланд воведе ограничувања за продажба на бензин.

Експертите предупредуваат дека крајот на конфликтот не е на повидок. Според аналитичарите, Иран не бара брз прекин на огнот, туку долгорочен договор што би му дал контрола врз Хормускиот Проток и безбедносни гаранции.

Според проценките, ќе бидат потребни три до четири месеци за земјите од Персискиот Залив целосно да го обноват производството, бидејќи беа принудени да ги прекинат работите на некои постројки поради затворањето на Протокот.

Како што предупредуваат експертите, овој енергетски шок нема да остане ограничен само на пазарот на нафта. Неговите ефекти веќе се пренесуваат на транспортот, индустријата и цените на стоките низ целиот свет.

Доколку ситуацијата не се стабилизира наскоро, глобалната економија би можела да се соочи со нов бран на инфлација и прекини во снабдувањето.

Share on Facebook

Tweet

Follow us

Save