Одземен имунитетот на судијата Ристов, одобрен куќен притвор и суспензија!

На денешната итна седница, Судскиот совет со 10 гласа „за“ донесе одлука за одземање на имунитетот на апелацискиот судија Ѓоко Ристов. Со оваа одлука истовремено е одобрен предлогот на Основниот кривичен суд Скопје за определување мерка куќен притвор.

Дополнително, членовите на Советот едногласно одлучија судијата Ристов времено да биде оддалечен од вршење на судиската функција.

Судијата се товари за „противправно стекнување и прикривање имот“ и „перење пари“.

Акцијата следува откако полицијата пронајде 350.000 евра заѕидани во ѕид во домот на неговите родители во Неготино.

Покрај куќниот притвор, ОЈО побара и привремено одземање на неговата патна исправа и забрана за издавање нова.

Постапката ја води Основното јавно обвинителство за гонење организиран криминал и корупција, од каде нагласуваат дека постои основано сомневање дека пронајдените пари се незаконски стекнати.

Share on Facebook

Tweet

Follow us

Save