Приходите од царина во САД скокнаа за околу 300 проценти

Владата на Соединетите Американски Држави објави дека приходите од царина се за 304 проценти повисоки отколку во истиот период минатата година, што доведе до намалување на буџетскиот дефицит. Вкупно 30 милијарди долари се собрани преку царински давачки само во јануари, а 124 милијарди долари од почетокот на фискалната година, објави CNN.

Владата, исто така, изјави дека евидентирала помал буџетски дефицит отколку пред една година, што имплицира дека и повисоките царински давачки помогнале. Дефицитот во четвртиот месец од фискалната година изнесувал околу 95 милијарди долари, што е пад од околу 26 проценти во споредба со истиот период минатата година, објави Министерството за финансии.

Од почетокот на годината, федералниот дефицит достигна 697 милијарди долари, што е за 17 проценти помалку во споредба со истиот период од фискалната 2025 година, објавува SEEbiz. Претседателот на САД, Доналд Трамп, првпат ги воведе царините во април 2025 година, со општа стапка за сите стоки и услуги што влегуваат во САД, заедно со низа таканаречени реципрочни царини за поединечни земји. Оттогаш, Белата куќа преговара со своите трговски партнери, откажувајќи се од некои од поагресивните царини.

Минатиот ноември, Врховниот суд на САД ги сослуша усни аргументи со кои се оспоруваше покритието под кое Трамп ги оправдуваше царините. Иако се очекуваше во јануари, Врховниот суд сè уште не донесе одлука, а во Белата куќа постои загриженост дека негативната пресуда би можела да ги принуди САД да компензираат за досега собраните царини

Share on Facebook

Tweet

Follow us

Save