Руте: Русија троши речиси половина од буџетот за воената индустрија

Генералниот секретар на НАТО, Марк Руте, предупреди дека Русија вложува речиси половина од својот национален буџет во воените напори, додека Кина, Северна Кореја и Иран продолжуваат да претставуваат растечки предизвици за глобалната безбедност. Зборувајќи на самитот на НАТО, Руте ја нагласи итноста сојузниците на Алијансата да дејствуваат побрзо и покооперативно за да ја зајакнат воената подготвеност на Алијансата.

Според Руте, Русија издвојува близу 50 отсто од својот државен буџет за воената индустрија и воените напори во Украина. Оваа бројка е значително зголемена од претходните проценки (околу 40%). Речиси 75 проценти од даночните приходи на Москва сега се насочени кон одбрана.

„Можете ли да замислите? Речиси 50 проценти од она што Русија го троши оди во воената машинерија. Нејзината одбранбена индустрија работи 24 часа на ден. И не само одбранбената индустрија, туку и остатокот од индустриската база ги поддржува воените напори“,рече Руте.

Руте предупреди дека Кина станува сè поагресивна и дека Северна Кореја снабдува оружје и персонал за војната во Украина, додека Иран развива нуклеарни и ракетни капацитети што ја загрозуваат регионалната и глобалната стабилност.

Share on Facebook

Tweet

Follow us

Save