Силни поплави ја погодија Албанија: Едно лице загинато, прогласена вонредна состојба во повеќе региони

Едно лице се удави во поплавите што го погодија Драч, Албанија, а во неколку области на Албанија е прогласена вонредна состојба поради обилни врнежи од дожд и поплави што ги зафатија земјоделските површини, патиштата и куќите.

Властите веднаш презедоа мерки за евакуација на жителите и справување со ситуацијата, објавува Албанската пошта.

Едно лице се удавило во областа Плепава, во градот Драч, и се верува дека тоа е првата жртва на врнежите од дожд во земјата.

Албанското Министерство за одбрана и Агенцијата за цивилна заштита објавија дека поради ризикот од поплави, жителите на административната единица Новоселе, во општина Валона, ќе бидат веднаш евакуирани и сместени во привремени објекти.

Како што е наведено, најпроблематична е ситуацијата во регионите Скадар, Лежа, Валона, Драч, Фиера, Берат и Ѓирокастро.

Во Скадар, нивото на водата во селото Обот се искачи за околу 60 сантиметри над главниот пат, а околу 15 куќи се опкружени со вода, патиштата се блокирани во Малише и Велики Поле, каде што се регистрирани и лизгање на земјиштето и свлечишта.

Во Лежа, околу 3.000 хектари земјоделско земјиште се под вода, две семејства се евакуирани, 100 куќи се опкружени со вода.

Во Валона, нивото на реката со исто име е повисоко од осум метри, 13 семејства се евакуирани во близина на мостот Мифоли и Новосела.

Во Драч, се пумпа вода од околу 800 куќи и згради.

Вкупно, беа распоредени околу 150 припадници на вооружените сили, над 20 тешки возила, 10 спасувачки чамци/моторни чамци и 15 вшмукувачки пумпи.

https://www.youtube.com/watch?v=vZtmg4gVx3k&embeds_referring_euri=https%3A%2F%2Fkanal5.com.mk%2F&source_ve_path=MjM4NTE