Скај њуз: Документите на ФБИ сугерираат дека Трамп знаел за однесувањето на Епштајн

Новооткриен документ на ФБИ сугерира дека американскиот претседател Доналд Трамп ѝ кажал на полицијата дека знае за однесувањето на осудениот сексуален престапник Џефри Епштајн.

Документот, објавен во најновата серија досиеја на Епштајн, е транскрипт од интервју на ФБИ од 2019 година со поранешен полицаец од Палм Бич, Флорида, кој во тоа време рекол дека Трамп му се јавил во врска со истрагата за покојниот финансиер и рекол: „Фала му на Бога што го запираш, сите знаат дека го правел тоа“, објави Скај њуз.

Името на полицаецот наводно е избришано од досието, но Мајкл Рајтер, кој се пензионираше како началник на полицијата во 2009 година, во тоа време изјавил за „Мајами Хералд“ дека го примил повикот.

Share on Facebook

Tweet

Follow us

Save