Скриени во грмушки со оружје, стрелаа во автомобил: детали за обидот за убиство во Шишево, Скопје

Основното јавно обвинителство во Скопје покрена истрага против две лица, браќа на возраст од 43 и 44 години, поради сомневање дека заедно извршиле убиство во обид. Инцидентот се случил во близина на авто-плацот кај селото Шишево, каде осомничените пукаа кон едно лице и го погодиле во главата, создавајќи опасност и за уште две лица. Според информации од Обвинителството, причината за ваквиот инцидент бил претходен сообраќаен инцидент при кој се судриле ретровизорите на две возила. Во тој момент, настанала вербална расправија помеѓу братот на оштетениот и првоосомничениот. Осомничениот наводно го фатил оштетениот за врат и му се заканил, но сведоци успеале да ја смируваат ситуацијата. Откако оштетениот ја преминал со сопругата од работа, тој го повикал братот за да проверат дали безбедно можат да се вратат по истиот пат. Како што тврди Обвинителството, во близина на местото на претходниот инцидент, осомничените браќа ги чекале скриени во грмушки, вооружени со пиштоли.

„Првоосомничениот испукал два куршума, при што го погодил братот на првично нападнатиот во главата, нанесувајќи му тангенцијална повреда и загрозувајќи ги другите две лица“, се вели во соопштението на Обвинителството. Јавниот обвинител донел наредба за спроведување истражна постапка за кривично дело убиство според член 123 став 2 точка 3, во врска со член 19 (обид) и до судијата за претходна постапка доставил предлог за определување мерка притвор за двата осомничени. Како причини за притвор, Обвинителството наведува опасност од бегство, можност за влијание врз сведоци и страв дека осомничените би можеле повторно да се обидат да го извршат делото. Во оваа фаза, се работи за сомнителна ситуација и истражна постапка, а за вината конечно ќе одлучи судот во понатамошните процеси.

Share on Facebook

Tweet

Follow us

Save