Според последната анкета ВМРО има поголем рејтинг од СДСМ и сите партии заедно

Премиерот и претседател на ВМРО-ДПМНЕ, Христијан Мицкоски, денеска на брифинг со новинарите во Клубот на пратеници презентираше податоци од просек на три анкети, според кои ВМРО-ДПМНЕ има убедливо најголема поддршка кај граѓаните.

Според анкетите, ВМРО-ДПМНЕ има рејтинг од 25,2 проценти од вкупниот број испитаници, што кај определените гласачи изнесува околу 42 проценти.

Следуваат СДСМ со 8,6 проценти од вкупниот примерок, односно околу 14,4 проценти кај определените гласачи. Следуваат ДУИ со 8,1 процент (13,6 проценти кај определените), ВЛЕН со 6,8 проценти (11,4 проценти) и Левица со 6,2 проценти (10,4 проценти).

Според презентираните податоци, ЗНАМ има поддршка од 2,3 проценти, односно околу 3,85 проценти кај определените гласачи, додека 2,5 проценти од анкетираните се определиле за друга политичка опција.

Според анкетата, ВМРО-ДПМНЕ има поголема доверба од СДС, ДУИ и Левица заедно, а владејачката коалиција има околу 60 насто од довербата на граѓаните во моментот, интересен е и фактот што 59.7 насто од граѓаните се веќе определени за кого ќе гласаат, што претполага излезност од над 950.000 гласачи.

Share on Facebook

Tweet

Follow us

Save