INFOMAX.MK

Три сестри од Бразил чија вкупна возраст е 316 години, им помагаат на истражувачите за долговечност. Тие беа прогласени од Гинисовата книга на рекорди овој месец за најстарата тројка сестри во светот.

Проектот „ДНК Лонгево“, студија предводена од научничката Мајана Зак од Универзитетот во Сао Паоло, има за цел да ги истражи биолошките фактори на стареење, пишува „Ројтерс“.

Резултатите добиени од случајот на трите стогодишнички од Бразил би можеле да им помогнат на научниците подобро да разберат зошто некои луѓе остануваат физички и когнитивно отпорни во екстремно напредна возраст.

– Преку ДНК тестирање, бараме заштитни гени, а знаеме дека има повеќе од нив. Колку повеќе ги запознаваме луѓето кои имаат над 100 години, особено семејствата со повеќе од еден стогодишник, толку попрецизно ќе биде нашето истражување – рекла Зак.

Таа потврди дека научниците веруваат дека наследните фактори можат да играат поголема улога од факторите на животната средина во зачувувањето на здравјето и виталноста во подоцнежните години.

Сестрите Зулина де Деус Нунес (103), Зораиде де Деус Мота (104) и Левита де Деус Нунес (109), кои живеат во Рио де Жанеиро, беа идентификувани преку „Лонгеви квест“, глобална организација која ги потврдува рекордите за долговечност и соработува со Гинисовата книга на рекорди.

– Кога сестрите живеат толку стара возраст, јасно е дека постои силен генетски фактор. Но, тие живеат блиску една до друга, имаат и мрежа за поддршка, семејство кое може да помогне кога е потребно. Дефинитивно постои заеднички, семеен аспект – рекол Бен Мајерс, извршен директор на „Лонгеви квест“.

Трите сестри ја припишуваат својата долговечност на здравата исхрана и активниот начин на живот. Тие инаку воделе прилично обичен живот. Левита работела како занаетчија, а подоцна во телевизиска мрежа. Зориде работела како медицинска сестра и израснала пет деца, додека Зулина, била домаќинка, израснала шест деца.