Утре пратениците одлучуваат дали Коцевски останува државен обвинител

Разрешувањето на обвинителот Коцески утре ќе се најде на собраниска седница пред народните избраници, а собранискиот спикер Гаши ќе предложи надополнување на дневниот ред.

Гаши и денеска посочи дека поканата за Коцевски да присуствува на седницата претпладнево се уште не беше испратена но дека до крајот на денот ќе му биде доставена. .

Африм Гаши Претседател на Собрание на Р.С.М

– До крајот на денот поканата ќе му стигне на обвинителот Љупчо Коцевски . Утрешната седница ќе биде надополнета токму со оваа точка на дневен ред откако предлог барањето стигна од Владата и сега треба да с епроцесоира во законодавниот дом според процедурите и деловникот.

Коцевски и претходната недела одговарајќи на новинарско прашање рече дека ќе чека најпрвин да ја добие поканата па ќе одлучи, но не конкретизираше дали ќе се појави на седницата или не.

Кога народните избраници ја гласаа неговата интерпелација тој не се појави и испрати само официјален допис . Во една од последните изјави премиерот Мицкоски пак не кажа кој ќе биде новиот обвинител само посочи дека си има јавен повик а потоа повторно процедурата се враќа во собранието . Од владата и денеска само кратко посочија дека очекуваат процедурата да заврши брзо и дека тие не се на исто мислење со советот на јавни обвинители кои пак веќе и претходно се произнесоа и не даде зелено светло за разрешување на јавниот обвинител Коцевски.

Објаснувањето на владата пак беше дека Коцевски направил крупни професионални грешки при раководењето со Јавното обвинителство што доведува до нарушување на ефикасноста и функционалноста на Јавното обвинителство

Share on Facebook

Tweet

Follow us

Save