Албанија од увозник, по дождовите, стана извозник на струја
![t](https://infomax.mk/wp-content/uploads/2021/11/struja-dalekovod-1.jpg)
Обилните и интензивни врнежи од дожд овозможија зголемено ниво на вештачките акумулации на каскадата на реката Дрим, а последователно на тоа и зголемено производство на електрична енергија.
Како резултат на тоа, во последните три дена албанската Електрокорпорација – КЕШ од продажба на струја инкасирала над 5 милиони евра.
КЕШ успеа да продаде 52.400 мегавати, со просечна цена од 100 евра за мегават.
Ова доаѓа по период од три месеци, кога земјата на странскиот пазар потроши над 36 милиони евра за набавка на електрична енергија, за задоволување на потребите на потрошувачите.
Албанскиот енергетски систем во сегашната фаза останува зависен од увоз, поради што работи на зголемување на производството, преку изградба на хидроцентралата „Скавица” на реката Дрим, во близина на албанско – македонската граница кај Дебар, како и изграба на соларни панели и паркови на ветерни електрани.
Со овие инвестиции се очекува Албанија да има доволно енергија за себе, па дури и да има корист од продажбата на странскиот пазар, почнувајќи од 2030 година.
ПОВРЗАНИ ВЕСТИ
Ѓурѓај: Исправен терминот „северномакедонци“ во резултатите од…
Народниот правобранител на Албанија одговори на дописот…
Кривични пријави за тројца од Подградец кои…
Албанската полиција поднела кривични пријави против тројца…
Уапсен шеф на Обвинителство во Албанија!
По налог на Специјалното обвинителство против организиран…
Албанија и САД слават 102-годишнина од воспоставување…
Албанија и САД ја слават 102-годишнината од…
Остра реакција на МАЕИ и партиите на…
Партиите на Македонците, Власите, Египќаните и Ромите…