Албанци од Косово тргнале да се борат во Украина за САД да ја натера да им ја признае државата – Со часови биле испрашувани на граница

Двајца косовски Албанци кои се упатиле кон украинската граница, сакајќи да им се придружат на вооружените сили на земјата, биле приведени на украинско-полската граница, каде биле испрашувани четири часа.

Канал 10 јавува дека не можеле да влезат во Украина и дека биле испрашувани околу четири часа за мотивите поради кои сакале да ја преминат границата.

Азиз Бехљуљи и Исмет Шала од Сува Река вчера изјавија дека една од причините зошто сакаат да се борат на страната на Украина е тоа што оваа земја не ја признала независноста на Косово.

Сакаме да ги поддржиме и САД, бидејќи можеби после тоа Украина ќе го признае Косово“, рече Шала.

Инаку, учеството во војни надвор од територијата на Косово е кривично дело и е класифицирано како терористички акт, а загрозената казна е од три до 15 години затвор, пишува Репортерс, пренесува Косово онлајн.

Share on Facebook

Tweet

Follow us

Save