Арсовска и Ѓорѓиевски на координативен состанок со претставниците на урбани и рурални месни заедници од Општина Кисела Вода

Заедно со градоначалникот на Општина Кисела Вода, Орце Ѓорѓиевски и претставниците на урбани и рурални месни заедници од Општина Кисела Вода, денеска одржавме координативен состанок. Пред претставниците на секторите од градот и јавните претпријатија се презентираа и се разговараше за предизвиците во општина Кисела вода и понатамошни активности за нивно решавање.
Тимовите составени од секторски претставници од Град Скопје, како и од јавните претпријатија кои се под надлежност на Градот, веќе ги започнаа теренските активности за целосна проценка на состојбата со заборавените населби во Општина Кисела Вода, која ја сочинуваат 15 месни и урбани заедници, од кои девет урбани и шест рурални населени места. Континуирано се спроведуваат средби со граѓани, се врши проценка на затекнатата состојба и се работи на изготвување проекти кои Градот ќе ги имплементира во овие населени места.

Share on Facebook

Tweet

Follow us

Save