Бидете со народот или сносете ги последиците, им порача на полицајците режисерот Дарко Митревски

Бидете со народот или сносете ги последиците, порача филмскиот режисер Дарко Митревски, автор на филмовите „Трето полувреме“, „Балкан Кан“, „Збогум на 20-от век“ и тв-сериите „Уа шнајдери“ и „Досие Скопје“.

Тој ги повикува припадниците на безбедносните сили на Македонија да бидат со својот народ или во спротивно да бидат легитимна цел на граѓаните кои протестираат против францускиот предлог и бугарските барања.

Митревски е автор на слоганот ,,Никогаш северна, само Македонија” кој се скандира деновиве на протестите против францускиот предлог за отпочнување на преговорите на Македонија со Европската унија. Тој смета дека ,,Македонија” е окупаторска творба а единствена легитимна држава на македонскиот народ е Македонија.

До сите припадници на безбедносните сили: Република Северна е окупаторска творба насадена врз Македонија, легитимната држава на македонскиот народ. Отаму, секој оној кој и служи на Република Северна наспроти интересите на македонскиот народ претставува легитимна цел врз која ќе се истури гневот на Македонците. Доколку носите униформа на која пишува зборот “Република Северна“, сега е момент да ги искинете ознаките и преминете на страната на народот. Доколку одбиете, праќате порака дека се согласувате да бидете легитимна цел – и да ги сносите последиците за тоа”, пишува Митревски чиј филм „Трето полувреме“ кој зборува за бугарската фашистичка окупација на Македонија и депортацијата на македонските Евреи е практично забранет од властите во Македонија.

Share on Facebook

Tweet

Follow us

Save