Босанец (29) со нож и пиштол им се заканувал на минувачи кај Колосеумот во Рим

Италијанските медиуми пренесуваат дека во Рим е уапсен 29-годишен турист од Босна и Херцеговина откако им се закануваше на минувачи со пиштол и со нож.

Во неговата хотелска соба се пронајдени неколку куршуми за пиштолот, кој веќе беше наполнет со 12 куршуми, објави „Кориере дела сера“.

Полицијата во неговата хотелска соба пронајде и психоактивни супстанции – кетамин и хашиш.

Весникот наведува дека државјанинот на БиХ се закануваше со пиштол и предизвика паника меѓу минувачите во центарот на Рим, во близина на Колосеумот и плоштадот Венеција.

Тој е уапсен откако туристи го пријавија, а при апсењето пружаше отпор и се обиде да побегне.

Во хотелот во Рим престојуваше со својата девојка (30), државјанка на Хрватска.

Share on Facebook

Tweet

Follow us

Save