Британија ѝ враќа на Албанија 200 затвореници и 1,5 милиони фунти за реновирање на затворите
![t](https://infomax.mk/wp-content/uploads/2022/12/fireshot-capture-311-britanci-proteruju-siptare-london-u-borbi-protiv-ilegalnih-doseljeni_-informer.webp)
Аранжманот меѓу британската и албанската влада, објавен во мај, за трансфер на албански затвореници во Албанија на издржување затворска казна, ќе ја чини Велика Британија осум милиони фунти, додека милион и пол ќе бидат потрошени за минибуси и електрични возила, пишува британски „Индипендент“.
Британските власти инсистираа дека договорот претставува заштеда, укажувајќи на фактот дека земјата ја чини 40.000 фунти годишно за сместување на секој затвореник.
Новите детали од договорите на британската влада, објавени овој месец, покажуваат дека дел од мултимилионскиот договор е наменет за опремување на албанската затворска служба со нова флота возила.
Околу 500.000 фунти ќе бидат потрошени за 15 електрични возила, додека 22 нови минибуси ќе и бидат обезбедени на албанската затворска служба по цена од над 1 милион фунти.
Владата на ОК го опиша обезбедувањето на електрични возила како „дел од движењето кон нето нула и е дел од пошироката иницијатива за позеленување“.
Објавувајќи го аранжманот во мај, секретарот за правда Алекс Челк рече дека „јавноста очекува странските криминалци да ја отслужуваат казната во нивните земји, а не во нашите затвори на сметка на даночните обврзници“, објави Косово онлајн.
Тој вети дека договорот „ќе го забрза отстранувањето на овие престапници и ќе им даде доверба на жртвите дека сериозните криминалци ќе продолжат да се соочуваат со правдата и ќе го поминат остатокот од казната зад решетки“.
ПОВРЗАНИ ВЕСТИ
Кривични пријави за тројца од Подградец кои…
Албанската полиција поднела кривични пријави против тројца…
Уапсен шеф на Обвинителство во Албанија!
По налог на Специјалното обвинителство против организиран…
Албанија и САД слават 102-годишнина од воспоставување…
Албанија и САД ја слават 102-годишнината од…
Остра реакција на МАЕИ и партиите на…
Партиите на Македонците, Власите, Египќаните и Ромите…
Погреб на демократијата во Албанија: Усвоена новата…
Албанскиот парламент по маратонска расправа, доцна синоќа,…