Објавено на:

Бугарин не бил пуштен во Македонија поради историски книги, реагираше бугарското МНР

t

„Сметаме дека е неприфатливо да се забрани пристап до литература што е поврзана со личности и настани од заедничката историја на Бугарија и Република Македонија и инсистираме на итно прекинување на ваквите дејствија“. Ова го соопштиле од бугарското Министерство за надворешни работи преку соопштение објавено на веб-страницата на тамошниот ресор.

Ваквата реакција е поврзана со случај во кој, како што пишуваат бугарските медиуми, претставник на бугарската заедница во Македонија и бугарски државјанин вчера не бил пуштен на македонска територија преку преминот „Делчево“, поради десет книги кој тој ги носел со себе.

-Категорично е неприфатливо во 21 век да се сведоци на постапки со кои властите на една земја го спречуваат остварувањето на основните права за демократско општество, како што е правото на слободна комуникација и пристап до информации, соопштило бугарското МНР.

Велат дека се загрижени од фактот што „овие настани се случуваат во земја која си поставила за цел интегрирање во Европската унија и јавно ја декларира својата приврзаност кон вредностите и принципите на Унијата“.

-Треба да напоменеме дека овој необјаснив чин на граничните власти е преземен откако Бугарија постојано повикуваше темата билатерални односи да не се користи како заложник во внатрешнополитичките процеси во Македонија, додаваат од официјалната бугарска дипломатија, изразувајќи надеж дека „ова не е намерна провокација кон општествата од двете страни на границата“.

ПОВРЗАНИ ВЕСТИ

МНР потврди: Македонка почина во сообраќајна несреќа…

Македонска државјанка почина во сообраќајна несреќа во…

Рускиот заменик МНР: Украина никогаш нема да…

Украина никогаш нема да влезе во Северноатлантската…

Две малолетни деца останаа без мајка –…

Трагично заврши семејната расправија меѓу бугарски пар…

(Видео) Претседателката ќе чека новата влада да…

Сиљановска ќе почека да се формира новата…

Германскиот МНР: До 2029 година Русија ќе…

Германскиот министер за одбрана Борис Писториус изјави…