Бугарски историчар: Скопје нема да влезе во ЕУ додека не излезе од југоносталгичното мочуриште

t

Македонскиот експерт и копретседател на мешовитата комисија за историски и образовни прашања, Драги Георгиев, предложи Македонија да ја прекине работата на комисијата на година или две, додека не се нормализираат односите меѓу Скопје и Софија.

Како што изјави во интервју за телевизија „Телма“, споровите меѓу земјите биле пречка за напредокот на преговорите за членство на Северна Македонија во ЕУ.


Според него, нема ништо страшно во таквата одлука, ако нејзината цена ќе биде подобрување на односите меѓу државите на сите нивоа на преговори.

„Ваквиот политички гест го гледам како чин на добра волја насочена кон создавање пријатна атмосфера за решавање на контроверзните прашања“, рече Георгиев.

Предлогот на македонскиот експерт предизвика негодување во Бугарија. Да потсетиме, успешната работа на мешовитата комисија е едно од барањата на Софија за почеток на преговорите за членство на соседите во ЕУ.

„Очигледно е дека плановите на историчарите и политичарите се многу поинакви од она што се пласира на официјалните состаноци, а на таа страна од границата повторно се играат тајни игри. Во случај да се замрзне работата на комисијата, ќе ги замрзнеме преговорите и Република Северна Македонија ќе треба да почека. И ќе чека додека не излезе од југоносталгичното мочуриште“,
изјави бугарскиот пратеник во Европскиот парламент Ангел Џамбаски.

Предлогот на Георгиев го одби и бугарското МНР.

„Министрите за надворешни работи на Бугарија и Македонија сметаат дека работата на заедничката комисија за историски и образовни прашања се уште е од големо значење за развојот на билатералните односи“, изјави директорот на прес-центарот на бугарското МНР Митко Димитров.

Да потсетиме, спорно прашање е етничката припадност на некои историски личности. Пред неколку години двете страни решија заеднички да им оддадат почит на личности како Кирил и Методиј и револуционерот Гоце Делчев, кој е во сопственост на двете земји.

ПОВРЗАНИ ВЕСТИ

Бугарија се пишмани: Ќе ја разгледува опцијата…

Бугарија планира да разговара за исплатите на…

Шамар од Холандија за Украина: Далеку сте…

Малку е веројатно дека Украина ќе добие…

Пендаровски и Вучиќ разговарале за “братските односи…

Претседателите на Македонија и Србија, Стево Пендаровски…

“Утеха” од Милановиќ: Нема да бараме Србите…

Хрватскиот претседател Зоран Милановиќ денеска изјави дека,…

Грчкиот министер за надворешни утре во посета…

Дополнително зајакнување на билатералните односи во сите…