(Видео)Битолчани на улица по земјотресот, во Битола нема телефонска мрежа и интернет – пријавени и оштетувања

Силен земјотрес со јачина 5,8 степени според Рихтер вечерва ја погоди Грција со епицентар во Лерин на длабочина од 2 километри, а се почувствува низ цела Македонија.

Неколку минути по првичниот потрес, почувствуван беше уште еден земјотрес од 4.8 степени како афтершок на првичниот.

Во Македонија, Битола беше најпогеден град, а битолчани веќе пријавуваат штети. Голем број од граѓаните се на улица, пред нивните згради и домови во исчекување на нов посилен потрес.

Извештај од Битола има телевизија „21“.

Мрежата во Битола е во прекин, јавуваат жители за ТВ21.

Според нив, во моментов не е возможно да се воспостави телефонска комуникација, а нема ни интернет.

Граѓаните велат дека не паметат ваков земјотрес, а додаваат и дека вечерта ќе ја поминат надвор од своите домови.

Share on Facebook

Tweet

Follow us

Save