(Видео) „Боинг 767“ излета од пистата во Мајами и заврши на пат

Товарен авион „боинг 767“ излета од пистата при слетување на Меѓународниот аеродром во Мајами и заврши на пат надвор од аеродромскиот комплекс. Снимките од местото покажуваат густ чад, а според првичните информации се претпоставува дека авионот му припаѓа на „Амазон“.

Американската Федерална управа за воздухопловство (ФАА) за Си-Ен-Ен потврди дека авионот излетал од пистата по слетувањето околу 14 часот по локално време. Станува збор за товарен „боинг 767-300“, кој летал од Сан Хуан, Порторико.

На аудиоснимка од комуникацијата со контролниот торaњ се слуша како земјената служба известува за инцидентот.

„Се чини дека имаме авион кој излета од пистата 30“, се наведува во пораката.

Поради авионот, сообраќајот на аеродромот во Мајами е запрен, соопшти ФАА.

Share on Facebook

Tweet

Follow us

Save