(Видео) Дали Заев ги искористил информациите за руската инвазија на Украина за лично богатење?!

t

Претседателот на Република Македонија, Стево Пендаровски, во гостување во дневникот на Сител обзнани информација дека државниот врв бил предупреден од страна на претставници на ОН и САД дека Русија планира воена операција во Украина.

Воената операција започна кон крајот на Февруари годинава, што значи дека Претседателот Пендаровски и поранешниот премиер Заев знаеле за потенцијалните предизвици и опасности за државата најмалку 3 месеци пред да започне операцијата.

Поранешниот амбасадор на Република Македонија во Бразил, Ивица Боцевски, во гостување во емисијата “Што не е јасно” кажа дека е сомнително што Заев и Пендаровски знаеле за специјалната воена операција на Русија во Украина уште во ноември и наместо да преземат мерки за заштита на државните интереси, информациите можеби биле искористени за лични цели на Зоран Заев.

“Мислам дека имаме еден пресериозен проблем. Имено, излезе на интервју Претседателот Пендаровски и спомна дека уште во ноември, значи се уште Зоран Заев е премиер, тие добиле некакво известување од разузнавачките информации, САД ги спомнаа како земја која ги донела тие информации, дека се спрема руската инвазија врз Украина.

И дека тие ја имале таа информација. Е сега тоа е ноември. Пред само неколку недели излезе информација дека синот на Зоран Заев кој што патем има 18 години, отворил фирма за тргување со енергенси.

По мене, сигурен е етичкиот престап, сигурен е политичкиот престап затоа што внатрешни информации добиени како информации од јавен интерес за Македонија, еден човек ги слоупотребува да направи фирма и да ја позиционира во оној простор каде што ќе има раст на цените и така натаму, со цел својот личен приватен интерес да го зголеми, својот џеб да му порасне.
Јас сум сигурен дека тука има и простор за одговорност пред законот. Сигурен сум дека еден ревносен правник кој што тоа му е професија, кога тоа ќе го прочепка ќе види дека внатре има и нешта врзани со осговорност пред законот. Притоа несомнена е моралната одговорност која на овој човек ништо не му значи и несомнена е политичката одговорност.

Пазете кога дошол претставникот на САД кај Пендаровски тој дошол да ја предупреди Македонија, а не Заев да прави фирми, да тргува со енергенси чии што цени ќе растат до небеса заради ситуацијата во Украина.” – истакна Боцевски.

Инаку, неколку дена по почетокот на специјалната воена операција на Русија во Украина, јавноста дозна дека Душко Заев, синот на Зоран Заев, станал сопственик на фирмата “Тотал Енерџи” која се занимава со производство на електрична енергија.

Фамилијата Заеви поседува повеќе бизниси, но ова е прва фирма која работи во секторот на енергетиката.

Цената на електричната енергија во Република Македонија годинава порасна за 9,48 проценти според податоците на регулаторната комисија за енергетика и Владата и дополнително беше укината ефтината дневна тарифа за домаќинствата. Опозицијата тврди дека цената на електричната енергија поскапе за 14%, засметувајќи ја овде и укинатата ефтина дневна тарифа.

Воената операција на Русија во Украина дополнително ја покачи цената на енергенсите и сите останати производи. Цената на нафтата достигна 139 долари по барел, цената на природниот гас достигна до неверојатни 3300 долари за илјада кубни метри. Македонија и светот се соочуваат со инфлација.

Дополнително, со последните антикризни мерки на Владата се ослободуваат од ДДВ претпријатијата кои увезуваат електрична енергија, топлинска енергија или енергија за разладување, притоа претпријатијата кои се одлободени од ДДВ немаат обврска да ги намалат цените на електричната енергија која ја продаваат на домаќинствата.

Потегот на семејството Заеви да започне бизнис во сектор во кој никогаш досега не работеле, а тоа да се случи во време на економска и енергетска криза која носи дополнителен профит остава простор за сомнеж дека информациите од интерес за државата биле злоупотребени за лични цели.

ПОВРЗАНИ ВЕСТИ

Холандија ќе усмрти над 100.000 кокошки поради…

Холандија ќе усмрти околу 102.000 кокошки на…

На Зеленски му е драго што Бајден…

Претседателот на Украина, Володимир Зеленски, денеска разговара со…

Ќе се тресе цела Европа! Кина предупредува…

Кина предупреди дека САД би можеле да…

ХОРОР во Србија: Татко си ја убил…

Убиството во Вршац, каде што таткото Марко…

(Фото) Експресно саниран споменикот на Гоце Делчев…

Екипите на ЈП "Комунална хигиена" вечерва експресно…