INFOMAX.MK

Ива Михајлова, за која во медицинската документација се наведува сериозна здравствена состојба и ризик да заврши во инвалидска количка, само еден ден пред да ја напушти Македонија била снимена во ресторан во Кочани, во друштво на момче.

Следниот ден Михајлова ја напуштила државата и избега во Бугарија, каде што, според нејзините изјави, требало да продолжи со медицински прегледи и лекување.

Документот за нејзината здравствена состојба го потпишал неврологот Иван Барбов. Во периодот кога СДСМ беше на власт, Барбов беше назначен за медицински директор на Клиниката за неврологија.

Барбов има и заеднички фотографии со поранешниот премиер Зоран Заев и Венко Филипче, а тројцата во 2019 година присуствуваа и на настан организиран од Владата.

Случајот дополнително доби на тежина откако беше утврдено дека Михајлова нема евидентиран излез од Македонија на ниту еден официјален граничен премин, иако против неа биле во сила судски мерки за ограничување на движењето и преминувањето на државната граница.

Во меѓувреме, по Михајлова е распишана и меѓународна потерница.