Објавено на:

(Видео) Курти ги повика сите етнички заедници да учествуваат во пописот: Општеството ни е богато затоа што и вие сте дел од нас

t

Косовскиот премиер Албин Курти ги повика сите граѓани да се пријават и на тој начин да учествуваат во статистичката евиденција, која, како што вели, е моќна изјава за идентитетот, правата и местото на секој граѓанин во косовското општество.
„Почитувани сограѓани од српската, бошњачката, турската, ашкалиската, египќанската, ромската и горанската заедница,
Пред две недели започна еден од најважните зафати за нашата земја: Пописот на населението, домаќинствата и становите. Пописот се одржува на секои 10 години и ја дефинира следната деценија пред нас. Сечие учество не е само статистички рекорд, тоа е моќна изјава за идентитетот, правата и местото на секој граѓанин во нашето општество“, рече Курти во видеото објавено на Фејсбук.

Тој додаде дека пописот не е само бирократска вежба, туку механизам преку кој се обликуваат политиките и се распределуваат ресурси за да се обезбеди секој граѓанин, без разлика на етничката или верската припадност, да ја добие поддршката и услугите што ги заслужува.

„Врз основа на пописот, државниот буџет се дели и распределува. Неговите резултати ги одредуваат државните развојни и социјалните политики, инвестициите во вашите заедници, субвенциите за вашата поддршка, инфраструктурните проекти, програмите и социјалните здравствени услуги. Само со целосна и точна регистрација ќе знајте најдобро колку градинки и училишта ви се потребни, колку културни, рекреативни и спортски простори треба да се планираат во служба на вашите заедници, кои социјални програми и политики одговараат на вашите потреби и слично“, нагласи Курти.

Тој посочи дека регистрацијата е официјална документација за составот на косовското општество.

„Неговите резултати потоа стануваат одраз на нашите политики и одговорност на државата и нашите институции. Попишувачите ќе одат од врата до врата. Повелете ги бидејќи сте добри домаќини. Немнозинските заедници се вредноста и идентитетот на нашата земја. Нашето општество е богат затоа што и вие сте дел од него, затоа не се двоумете, регистрирајте се“, заклучи Курти.

ЛИНК од видеото

ПОВРЗАНИ ВЕСТИ

Курти: Пописот во Косово е успешен

Косовскиот премиер Албин Курти го изрази своето…

Косово го ратификуваше договорот со Македонија за…

Собранието на Косово го ратификуваше договорот потпишан…

Владата донесе одлука за испраќање на македонски…

Владата на Република Македонија на предлог на…

(Фото) Повторно каменувано српско училиште во Косово

Група младинци Албанци уште еднаш го каменуваа…

Стејт департмент: Разочарани сме од акцијата на…

Американскиот Стејт департмент соопшти дека е разочаран…