INFOMAX.MK

Украинските власти соопштија дека руските војници ја освоиле најголемата нуклеарна централа во Европа по тешките борби во близина кои запалиле една од нејзините згради.

Регионалната воена администрација објави соопштение во кое се вели дека пожарот предизвикан од руските напади во централата Запорожје во Енерходар предизвикал одредена штета на одделот на реакторот број 1 на централата, но не влијаел на нејзината безбедност.

Тој рече дека централта продолжила безбедно да работи по нејзиното заробување.

Нападот во Запорожје ги обнови стравувањата дека руската инвазија може да резултира со оштетување на еден од 15-те нуклеарни реактори во Украина и да предизвика уште една вонредна состојба како катастрофата во Чернобил во 1986 година.

Претходно, во емотивниот говор, украинскиот претседател Володимир Зеленскиј рече дека се плашел од експлозија што ќе биде „крај за сите. Крај за Европа. Евакуација на Европа“.

„Само итна акција на Европа може да ги запре руските трупи“, рече тој.

„Не дозволувајте смрт на Европа од катастрофа во нуклеарна централа.

Пожарот во зградата во близина на нуклеарната централа Запорожје бил предизвикан од напад на руски војници, соопштија украинските власти.

Повеќето експерти не видоа ништо што укажува на претстојна катастрофа, но нападот поттикна обновени повици за итен прекин на огнот.

„Бараме да го запрат огнот со тешко оружје“, рече Андриј Туз, портпарол на фабриката во Енерходар, во видеото објавено на Телеграм по нападот.

„Постои реална закана од нуклеарна опасност во најголемата атомска енергетска станица во Европа.

Украинскиот министер за надворешни работи Дмитро Кулеба повика на итен прекин на огнот, предупредувајќи дека доколку централата експлодира, таа ќе биде „10 пати поголема од Чернобил“.

Утринава според украинските власт пожарот е под контрола и не постои зголемена радијација во регионот.