INFOMAX.MK

Авион на „Делта ерлајнс“ се запали веднаш по слетувањето на меѓународниот аеродром Сиетл-Такома.

Снимката покажува пожар кој избувнува под пилотската кабина на авион на Ербас додека патниците се симнуваат од летот од Канкун, Мексико, на 6 мај. Се гледаат и патници како одат на крилото на авионот додека се подготвуваат за итна евакуација.

Како што пренесува Newsweek, пожарот избувнал откако електричен кабел бил приклучен на авионот Ербас А321нео, што довело до евакуација на 189 патници и шест членови на екипажот.

„Мислам дека луѓето реагираа панично, имаше малку гужва на патеките кон излезот. Но, генерално беше прилично непречена евакуација. Драго ми е што се случи на земјата на капијата за слетување, тоа е најдоброто место каде што можете да се надевате на евакуација“, изјави за KOMO news еден од патниците, Ешвин Менон, додавајќи дека им е благодарен на пилотите, екипажот и полицијата за нивната помош.

„Патниците се целосно евакуирани“, соопштија од компанијата и потврдија дека авионот е изваден од употреба заради проверка и одржување.