(Видео) Скопје се прости од Аки Рахимовски

t

Александар (Аки) Рахимовски е роден во Ниш, но за брзо време се преселил во Скопје. Како тинејџер бил член на неколку состави меѓу кои се групите „Вакуум“, „Крвна браќа“ и „Тор“ со кој настапил на фестивалот во Загреб во 1975 година. Потоа, во соработка со менаџерот Владимир Михаљек – Мих го формираат првиот состав на „Парни валјак“ – југословенската група со која сними десетици албуми и одржа низа концерти на просторите на поранешна Југославија. Тој почина во саботата на 22 јануари во Словенија, а погребот ќе се одржи утре во Загреб

На Градскиот плоштад во Скопје музички и медиумски работници, како и голем број скопјани во текот на денот му оддаваат последна почит на Аки Рахимовски, еден од најдобрите рок-вокалисти во регионот.

Кај тревникот на плоштадот попладнето беше поставен билборд со фотографија од Аки и беше отворена книга на жалост каде граѓаните оставаат пораки, положуваат цвеќе и палат свеќи додека се слушаат и пеат хитовите што тој ги отпеа заедно со групата „Парни Валјак“.

Оддавањето последна почит преку ваков настан под мотото „Да го испратиме со песна нашиот Аки“ е во организација на радио „Бубамара“ со поддршка КЛС Саунд и Град Скопје, ден пред погребот на музичката мегаѕвезда во Загреб.
Александар (Аки) Рахимовски е роден во Ниш на 5 јуни 1955 година, но за брзо време се преселил во Скопје. Неговиот татко бил музички професор со што на седум години тој започнал да учи во музичко училиште за клавир и пеење.

Како тинејџер бил член на неколку состави меѓу кои се групите „Вакуум“, „Крвна браќа“ и „Тор“ со кој настапил на фестивалот во Загреб во 1975 година. Потоа, во соработка со менаџерот Владимир Михаљек – Мих го формираат првиот состав на „Парни валјак“. Тој беше фронтмен на оваа група повеќе од четири децении во кои сними десетици албуми и одржа низа концерти на просторите на поранешна Југославија. Зад себе остави хитови со кои раснеа многу генерации. Аки почина на 66-годишна возраст на 22 јануари 2022 година во Словенија.

ПОВРЗАНИ ВЕСТИ

Уапсен крадец: Преку балкони влегувал во станови…

Денеска (22.07.2024) од страна на полициски службеници…

Засилено полициско присуство во Скопје

Во текот на изминатата вечер (19/20.07.2024) во…

Повеќе од 12 часа делови од Скопје…

Повеќе од 12 часа делови од Скопје,…

Три каснувања од кучиња скитници во Скопје…

Три каснувања од кучиња скитници се пријавени…