INFOMAX.MK

Поранешниот американски претседател Доналд Трамп изјави дека ќе ги помилува поддржувачите кои упаднаа во Капитол на 6 јануари минатата година, доколку победи на изборите во 2024 година.

Обраќајќи им се на граѓаните на митингот „Спасете ја Америка“ во Конро, Тексас доцна во саботата, Трамп вети дека ќе се погрижи правосудниот систем да ги третира правично. „И ако бараат помилување, ние ќе им дадеме помилување, бидејќи се третираат толку неправедно“, инсистираше тој.

Министерството за правда обвини повеќе од 700 луѓе откако приврзаниците на Трамп го презедоа Капитол Хил во Вашингтон пред една година во обид да ја блокираат потврдата на неговиот демократски ривал Џо Бајден за претседател. На околу 87 од нив досега им е изречена казна.

Трамп, чија наводна улога во поттикнувањето на опсадата исто така се истражува, се нафрли на Одборот на Претставничкиот дом, кој ги истражува настаните од 6 јануари. Тој го означи како „неизбран комитет“, опишувајќи ги гонењето и затворските казни изречени за неговите поддржувачи како „срамота“.

Donald Trump says if he runs for president in 2024 and wins, he will pardon the rioters who stormed the US Capitol on 6 January 2021.

More from the former US president here: https://t.co/KX6tZsSDxl pic.twitter.com/C4kgUEbCK9

— Sky News (@SkyNews) January 30, 2022