(Видео) Штиклите отидоа во Сава – Белграѓани мораа да пливаат – хит сцени!

t

Сто и четиринаесет лица биле евакуирани синоќа од сплавот „Картел“ на Сава во Белград, јавија за Танјуг од Секторот за вонредни состојби во Србија. Сплавот почнал да тоне нешто по полноќ откако избила тепачка меѓу гостите и обезбедувањето по што следело стампедо, а драматични снимки се појавија на социјалните мрежи. Нема мртви и повредени, пренесуваат српските медиуми. Според „Блиц“, меѓу евакуираните имало 30 млади лица, тинејџери.

На местото пристигнале полицајци, меѓу кои и од речната полиција и 25 пожарникари. Еден маж кој сакал да доплива до брегот бил извлечен од водата.

Како што изјави за Блиц еден од младите кои биле на сплавот, само неколку минути по тепачката сплавот почнал да тоне, а мостот почнал да пука.

– Забавата требаше да трае до два часот, околу еден нè избркаа. Јас бев првиот што ме исфрлија од сплавот. Обезбедувањето не сакаше да ми каже зошто нè бркаат. Избркале уште 10-тина луѓе, а потоа почнала расправија, тепачка, конфликт со обезбедувањето. Потоа сите одеднаш почнаа да излегуваат од сплавот. Кога сите почнаа да се туркаат, сплавот почна да тоне, а мостот да пука. Сите почнаа да врескаат и да пливаат. Беше навистина морничаво – изјавил еден од очевидците.

Друг гостин од сплавот за „Блиц“ изјавил дека во еден момент обезбедувањето почнало да исфрла луѓе и дека поголема група од нив почнала да им се спротивставува, кога дошло до тепачката.

– Одеднаш, маса луѓе почна да се движи. Тие се симнуваа од сплавот, се туркаа, врескаа… Сите дојдоа до мостот што ги поврзува сплавот и брегот. Мостот почна да пука, сплавот тонеше, а сите што истрчаа од сплавот паднаа во водата – изјавило лицето.

ПОВРЗАНИ ВЕСТИ

(Документи) Левица објави скандал: Техничкиот на Мицкоски…

Трета опција на Фејсбук со објава: Министерот…

Јакимовски на средба со кавадарчани – Земјоделците…

Одлична средба со кавадарчани, храбар и работлив…

(Видео) ПорталХ: Зошто Тошковски „случајно“ беше во…

Зошто Министерот за внатрешни работи беше во…

24 април и 8 мај 2024 година…

Земајќи го во предвид Решението за распишување…

Мотоциклист тешко повреден во сообраќајка во кумановско

Тешко повреден мотоциклист од Штип откако се…