Видно била вознемирена: Генчовска замина во опожарениот бугарски клуб во Битола

Министерката за надворешни работи на Бугарија, Теодора Генчовска, која допатува во земјава во дводневна посета и разговори со македонскиот шеф на дипломатијата Бујар Османи, околу пладне беше во Битола за да види какви се штетите од опожарувањето на влезот на култруниот клуб „Ванчо Мијахлов“.

Таа беше пречекана од бугарскиот конзул во Битола Димитар Иванов и домаќините на клубот. Генчовска се распрашуваше како се случил инцидентот и какви се последиците од опожарувањето.

Во најавата за нејзината посета на Скопје немаше многу детали, освен фактот дека посетата е иницирана од Османи и дека целта на разговорите е продолжување на дијалогот за отворените билатерални прашања меѓу двете земји.

Share on Facebook

Tweet

Follow us

Save