Владата ќе одржи редовна 34-та и една тематска седница

t

Владата на Република Македонија денеска ќе ја одржи редовната 34-та седница на која ќе разгледува повеќе точки на дневен ред од својата програма за работа и од интерес на граѓаните.

На седницата, со почеток во 12:30 часот, меѓу другото, ќе бидат разгледани програмите за изменување на Програмата за финансиска поддршка на руралниот развој за 2022 година и на Програмата за спроведување на интервентниот фонд во земјоделството, на предлог на ресорното Министерство за земјоделство, шумарство и водостопанство.

На дневен ред за разгледување е и Предлог-закон за ратификација на Спогодбата помеѓу Владата на Република Македонија и Советот на министри на Република Албанија за взаемно признавање на одобренија за овластен економски оператор – безбедност и сигурност (ОЕОС).

Пред редовната, со почеток во 12:00 часот, закажана е тематската 33-та седница на Владата, на која ќе се разгледува Информацијата за почеток на програмирање на Акциската програма за 2023 година во рамките на ИПА 3, инструмент за претпристапна помош.

За донесените одлуки и заклучоци од денешните Владини седници, јавноста ќе биде информирана со одделни соопштенија, по нивното завршување.

ПОВРЗАНИ ВЕСТИ

Пентагон: Путин не донел одлука за употреба…

Пентагон оцени дека нема знаци дека рускиот…

Откриено е кој град ќе биде домаќин…

Ливерпул ќе биде градот домаќин на Изборот…

По свадба тапани: Ковачевски го осуди името…

Премиерот Димитар Ковачевски вечерва го осуди отворањето…

Календар на МПЦ: Утре се празнуваат овие…

Според Календарот на МПЦ утре се празнуваат…

Мицкоски одлучил да не се конфронтира со…

ВМРО-ДПМНЕ под овие околности нема да дозволи…