ВМРО-ДПМНЕ ги зајакнува редовите со Орце Ѓорѓиевски како нов претседател на Градскиот Комитет

t

Градоначалникот на општина Кисела Вода, Орце Ѓорѓиевски, денес беше избран за претседател на Градскиот комитет на ВМРО-ДПМНЕ. Ѓорѓиевски изрази благодарност за укажаната доверба силно обединување на сите комитети кои рамо до рамо, мотивирани и единствени во намерата ќе го вратат сјајот не само на Скопје, туку и на Македонија.
„Со огромно задоволство, но со исто толкава доза на одговорност ја прифаќам обврската да застанам на чело на Градскиот комитет на ВМРО-ДПМНЕ, дадена од претседателот Христијан Мицкоски и Извршниот комитет.
Поминавме долг пат до сега, пат кој не беше воопшто лесен и беше испреплетен со многу предизвици, кочници и притисоци, кој не беше послан со ружи, туку со трња и камења. Но, успеавме!
Со силна мотивација и борба за она што веруваме успеавме половина од тој пат да го поминеме.
Ама ние сме ВМРО и нас ни треба целосен успех, успех за она што значи Македонија силна, модерна и просперитетна, Македонија без криминал и корупција и без поделби по сите основи помеѓу народот, држава во која сите ќе се чувствуваат подеднакво, каде нема да има заштитени и погазени, каде ќе се почитува своето минато, историјата и аманетот од предците, Македонија која нема да се раскрчмува на делови и секој да го граба она што не му припаѓа.
А таква Македонија може да биде само ако патот го трасира ВМРО-ДПМНЕ и токму затоа, честа е моја да покрај силната посветеност за моите сограѓани од Кисела Вода, додадам камче во мозаикот и овде, заедно со целиот тим во кој силно верувам.
Како претседател на Градскиот комитет ќе се заложам за силно обединување на сите комитети но и зголемување. Рамо до рамо, мотивирани и единствени во намерата ќе го вратиме сјајот не само на Скопје, туку и на Македонија.
Најавувам работа, работа и само работа.
Упатувам огромна благодарност до претседателот на ВМРО-ДПМНЕ проф.д-р Христијан Мицкоски и до Извршниот комитет за укажаната чест и доверба.“, напиша Ѓорѓиевски на социјалните мрежи.

ПОВРЗАНИ ВЕСТИ

Ковачевски ја притиска опозицијата: ВМРО-ДПМНЕ да расчисти…

Премиерот Димитар Ковачевски денеска го повтори ставот…

Ковачевски: Референдумот предложен од опозицијата е за…

Димитар Ковачевски смета дека прашањето за референдум што…

Централниот Комитет ги поддржува пратениците да не…

Централниот Комитет на ВМРО-ДПМНЕ одржа редовна седница…

ИК на ВМРО-ДПМНЕ ја прифати иницијативата за…

Извршниот комитет на ВМРО-ДПМНЕ на вечерашната седница…

Толкава партија, а како се резилат: Ако…

Пратениците од редовите на ВМРО-ДПМНЕ, вчера потпишаа…