ВМРО-ДПМНЕ: Ковачевски го крши законот за високо образование, да го повлече деканот на Факултетот за архитектура и дизајн кој е истовремено член на раководството на СДСМ

t

Пиунот Ковачевски уште не дојден на позиција премиер, продолжи онаму каде што застана неговиот наредбодавател Зоран Заев со кршење на законите, стои во денешното соопштение на ВМРО-ДПМНЕ.

Во стилот на заевизмот Ковачевски го прекрши Законот за високо образование и во Извршниот одбор на СДСМ го именува деканот на Факултетот за архитектура и дизајн Мишко Ралев. Иако законот во член 114, став 3 е јасен дека декан не смее истовремено да биде на друга јавна функција, уште помалку функција во политичка партија.

Очигледно пиунот на Заев, Ковачевски како и неговиот ментор не го почитува законот кој го донесе неговата партија и смести декан во највисокото раководно тело на СДСМ

Со ова Ковачевски уште пред да стане официјално премиер дава до знаење дека во Македонија продолжува заевизмот, продолжува хибридниот режим.

Ковачевски мора веднаш да го разреши Мишко Ралев од ИО на СДСМ, а доколку не го направи тоа, самиот Ралев треба да се повлече од позицијата декан на Факултетот за Архитектура и дизајн.

Доколку не го направат тоа ќе потврдат дека не само што продолжува заевизмот, туку и дека продолжува партизацијата на институциите и уништувањето на македонското образование кое поради СДСМ од ден во ден тоне се повеќе.

Со Ковачевски нема промени, тој само е продолжена рака на Зоран Заев, затоа на Македонија и се потребни предвремени парламентарни избори час поскоро, велат преку соопштението од ВМРО-ДПМНЕ.

ПОВРЗАНИ ВЕСТИ

Ахмети: ВМРО-ДПМНЕ и СДСМ прават сѐ за…

Лидерот на партијата, Али Ахмети вели дека…

Зајкова демантира дека оди во коалиција со…

Лидерката на ЛДП, Моника Зајкова демантира дека…

Мицкоски: Обезбедени се 61 пратеник, сега целта…

Можам со задоволство да кажам дека досега…

Албанската коалиција „Вреди“ денес на преговори во…

Работните групи на ВМРО-ДПМНЕ и коалицијата на…

Претседателката Сиљановска Давкова ќе ги прими поглаварите…

Претседателката Гордана Сиљановска Давкова денеска ќе ги…