ВМРО-ДПМНЕ: Македонското образование и наука се во континуирана стагнација, а причините се неодговорното работење на Царовска 
![t](https://infomax.mk/wp-content/uploads/2020/08/ministerstvo-za-obrazovanie.jpg)
ВМРО-ДПМНЕ во прес конференција кажа дека образованието е во најлоша состојба досега.
Ова е партиската прес конференција:
“Почитувани,
Образованието во Македонија изминатиот период беше предмет на нецелосни, недосмислени, избрзани одлуки. Ваквото неодговорно работење од страна на поранешната министерка Царовска сега е веќе видливо и можеме да го потврдиме со големиот пад кој Универзитетот „Св. Кирил и Методиј“ го има на Шангајската листа.
Најголемиот универзитет во Македонија во моментов се наоѓа на 1.944 место. А, според критериумите за истражувачка работа УКИМ се наоѓа на 1.869 место. Рангот кој е определен со соодветен систем е поразувачки податок за македонското општество.
Македонското образование и наука се во континуирана стагнација, а причините за овој пад се од системски карактер. Но, и резултат на недоволната ангажираност на институциите.
Унијата на млади сили на ВМРО-ДПМНЕ преку секојдневна комуникација со студентите, младите научни соработници и истражувачи јасно ги имаат детектирано причините за овој пад.
Затоа сакаме да упатиме неколку пораки до надлежните институции со што образованието и науката повеќе нема да бидат предмет на политиканство, туку единствена цел на сите а во функција на општеството е квалитетното стручно усовршување на младите луѓе.
Почитувани,
Ги повикуваме надлежните институции секогаш кога ќе треба да одлучат за нов чекор во образованието и науката проблемите да ги согледуваат низ стручна призма. И со тоа да се напушти принципот на носење на одлуки со цел да се заработат ситни политички поени. Во македонското општество функционираат голем број на стручни и компетентни луѓе кои со својот капацитет и преку соодветни настани можат и сакаат да помогнат образованието и науката да се подобрат.
На крајот би сакала во името на Унијата на млади сили да се обратам до сите студенти кои треба сериозно да се загрижат за овој проблем, бидејќи во потамошното функционирање и стручно реализирање студентите се оние кои со вакви поразителни податоци ќе ги сносат најголемите последици.”
ПОВРЗАНИ ВЕСТИ
СДСМ: ДПМНЕ одби клучни амандмани за земјоделците
Првиот амандман, кој имаше за цел да…
Двојни аршини: Кога должи фирма на министер…
Долг на фирма не е кривично дело,…
„И лавот му рече на орелот мјау“:…
Македонската академија на науките и уметностите (МАНУ)…
(Видео) Николова: Мицкоски без грам совест и…
Предложениот ребаланс на буџетот не ветува дека…
Крајно време е Максим Димитриевски да излезе…
Невидено во унитарна држава! Министерот за здравство…